• अर्थ सरोकार सम्बाददाता 

काठमाडौँ । सेञ्चुरी बैंक लिमिटेडले २३ करोड ९८ लाख ४० हजार अन्तरिम लाभांश वितरण गर्ने भएको छ । 

विश्वभर फैलिरहेकाे काेराेना भाइरसका कारण बैंककाे साधारणसभा स्थगित भएपछि बैंककाे सञ्चालक समितिकाे बैठकले आर्थिक वर्ष २०७५/०७६ को नाफाबाट शेयरधनीलाई ३% लाभांश दिने घाेषणा गरेकाे हाे । यसअघि बैंकले आर्थिक वर्ष २०७५/७६ को नाफाबाट २% बोनस शेयर र कर प्रयोजन समेत गरी ४.७५% नगद लाभांश वितरण गर्ने प्रस्ताव गरेको थियो । उक्त लाभांश फागुन ३० गतेसम्म कायम रहेका शेयरधनीले मात्र पाउने बैंकले जनाएकाे छ ।

बैंकले हाल कायम चुक्ता पूँजीको ३ प्रतिशत अर्थात २५ करोड २४ लाख रुपैयाँबाट कर कट्टी गरी बाँकी रहने २३ करोड ९८ लाख रुपैयाँ लाभांश वितरण गर्ने जानकारी दिएकाे छ ।