">
- अर्थ सरोकार सम्बाददाता
काठमाडौँ । सिटिजन्स बैंकले जेष्ठ २७ गते विशेष साधारणसभा डाकेको छ । यस अघि स्थगित भएको विशेष साधारणसभा पुनः आह्वान गरेको हो । बैंकले यस अघि चैत्र १० गते तय भई स्थगित भएको विशेष साधारणसभा आगामी जेष्ठ २७ गते गर्ने निर्णय गरेको हो ।
बैंकको सभा प्रधान कार्यालय दरबारमार्ग स्थिति वेबिनार मार्फत हुने भएको हो । सभामा सहयोगी विकास बैंकलाई प्राप्ति गर्ने प्रस्ताव पेश हुने छ । सभाले सहयोगी विकास बैंकको १ सय कित्ता सेयर बराबर बैंकको शुन्य दशमलव ९१७६ कित्ता सेयर दिने गरी सेयर स्वाप रेसियो पारित गर्नेछ ।
सभाले प्राप्ति सम्बन्धि कार्य गर्न सम्पूर्ण अख्तियारी संचालक समितिलाई दिने प्रस्ताव पनि पारित गर्ने छ । दुई बैंकबीच गत असार २२ गते प्राप्ति सम्बन्धमा हस्ताक्षर भएको थियो । बैंकले सहयोगी विकासलाई प्राप्ति गरेपछि बैंकको चुक्ता पूँजी ८ अर्व ६२ करोड २१ लाखबाट वृद्धि भई ९ अर्व ८ करोड ९८ लाख पुग्नेछ । चैत्र २ गतेसम्म कायम शेयरधनीले मात्र साधारणसभामा भाग लिन पाउने छन् ।
