">
- अर्थ सरोकार सम्बाददाता
काठमाडौँ । कोरोनाले प्रवाभित बनेका देशहरु भारत चौथौँ स्थानको सुचिमा परेको छ । भारतमा शुक्रबार एकैदिनमा अहिलेसम्मकै सवैभन्दा धेरै सङ्क्रमित भएको विवरण सार्वजनिक भएको छ । सरकारी अधिकारीहरुले दिएको जानकारी अनुसार भारतमा पछिल्लो २४ घण्टामा कोरोनाबाट १३ हजार ५८६ जना सङ्क्रमित भएका छन् । सोही अवधिमा ३३६ जनाको मृत्यु भएको केन्द्रीय स्वास्थ्य तथा परिवार कल्याण मन्त्रालयले जनाएको छ ।
भारतमा कुल सङ्क्रमितको संख्या ३ लाख ८० हजार ५३२ पुगेको छ भने दुई लाख चार हजार ७११ जना सङ्क्रमणमुक्त भएका छन् । धेरै सङ्क्रमित महाराष्ट्र प्रदेशमा रहेका छन् । महाराष्ट्रमा अहिलेसम्म कुल एक लाख २० हजार ५०४ जना सङ्क्रमित भएका छन् । त्यसैगरी दोस्रो धेरै सङ्क्रमित रहेको तमिलनाडु प्रदेशमा ५२ हजार ३३४ जना र दिल्ली प्रदेशमा ४९ हजार ९७९ जना सङ्क्रमित भएका छन् ।
