">
- अर्थ सरोकार सम्बाददाता
काठमाडौँ । कोरोना बीमा गर्नेको संख्यामा निकै वृद्धि भएको छ । हालसम्म कोरोना बीमा गर्नेको संख्या साढे ४ लाख नाघेको छ । बीमा समितिको पछिल्लो तथ्यांक अनुसार मंगलबारसम्ममा कोरोना बीमा गर्नेको संख्या साढे ४ लाख नाघेको हो ।
मंगलबारसम्म २० निर्जीवन बीमा कम्पनीहरुले ४१ हजार ४६८ बीमालेखमार्फत ४ लाख ५१ हजार ९१८ जनालाई कोरोना बीमामा समेटेका हुन् । जसबाट बीमा कम्पनीहरुले २४ करोड ८९ लाख २४ हजार ८६९ रुपैयाँ बीमाशुल्क आर्जन गरेका छन् । पछिल्लो समय कोरोना बीमा गराउनेको संख्या ह्वात्तै बढेको छ । कोरोनाले पुर्याउने क्षतिलाई ध्यानमा राख्दै बीमा समितिले उक्त बीमा पोलिसी ल्याएको थियो । कोरोना बीमा गराउनेको संख्या मात्रै नभएर अहिले कोरोना भाइरसको संक्रमण पनि बढिरहेको छ । जसकारण मनिसहरु यस बीमा पोलिसीप्रति आकर्षित भएका छन् ।
निर्जीवन बीमा कम्पनीहरुले बीमा समितिको निर्देशन अनुसार वैशाख ७ गतेदेखि कोरोना बीमालेख बिक्री शुरु गरेका थिए । यसबीचमा निर्जीवन बीमा कम्पनीहरुले दायित्व बहन गर्न नसकिने भन्दै उक्त बीमालाई रोकेका थिए । तर सरकारले कोरोना बीमामा साथ दिने भएपछी पुनः सुचारु गरिएको थियो ।
