काठमाडौँ । चीनको एउटा प्रमुुख बायोफर्मास्युुटिकल कम्पनी सिनोभ्याक बायोटेक लिमिटेडले कोरोना भ्याक्सिन बनाएको दाबी गरेको छ । कम्पनीले भ्याक्सिनले प्रयोगात्मक रुपमा परीक्षण गर्दा ९९ प्रतिशत कोरोनाभाइरसविरुद्ध प्रभावकारी ढंगले काम गरेको पनि जनाएको छ।
सिनोभ्याकका अनुुसार भ्याक्सिन ‘कोरोनाभ्याक’ कोभिड १९ सार्स कोभ २ भाइरसविरुद्ध प्रभावकारी ढंगले काम गर्न सक्छ र यो ९९ प्रतिशत रोगमा असरदार छ। यो एन्टीबडीको परीक्षणका लागि १ हजारभन्दा धेरै स्वयंसेवक यस अध्ययनमा भाग लिइरहेको कम्पनीको भनाइ छ।
विश्वका थुुप्रै देश कोरोनाभाइरसविरुद्ध खोप बनाउन खोज गरिरहेका छन्। सिनोभ्याक कम्पनीको दाबी छ कि यो खोप कोभिड १९ विरुद्ध निश्चित रुपमा सफल हुुन्छ।
तेस्रो चरणको परीक्षण सञ्चालन गर्नका लागि प्रारम्भिक वार्तामा बेलायत र अन्य युुरोपेली देशहरु पनि सामेल रहेको कम्पनीको भनाइ छ। सिनोभ्याकले व्यावसायिक रुपमा नै भ्याक्सिन उत्पादन गर्ने संयन्त्र निर्माण गरिरहेको र वार्षिक १०० मिलियन खोप बनाउने भएको छ।
कोभिड १९ भ्याक्सिनको विकासमा तीव्रता दिन फर्मास्युुटिकल फर्मले १५ मिलियन डलर फण्ड पनि हासिल गरेको छ। – एजेन्सी
