">
- अर्थ सरकोर सुदूरपश्चिम ब्युरो
धनगढी । असारको महिना प्राय मानिसहरु खेती किसानिकार्यका बढी लाग्ने गर्दछन् । तर डडेल्धुराको गन्यापधुरा गाउँपालिकामा भने एकाएक कोरोना भाइरस (कोबिड १९) का संक्रमित बढेसँगै गाउँ नै सिलबन्दी गरिएको छ ।
संक्रमितको संख्या र संक्रमणको जोखिमलाई मध्यनजर गर्दै बिहीबारदेखि आउँदो असार १२ गतेसम्मका लागि गाउँपालिका सिल गरिएको गन्यापधुरा गाउँपालिकाका अध्यक्ष नवलबहादुर मल्लले जानकारी दिए । हिजोमात्रै गन्यापधुरामा ५८ जनामा कोरोनाको संक्रमण फेला परेका थिए ।
गाउँपालिकाले तोकिएको समयअवधिमा स्वास्थ्य सेवा बाहेकका सम्पूर्ण कार्यालयहरु, बैंकहरु र पसलहरुसमेत असार १२ गतेसम्म बन्द रहने र अनावश्यक काममा घरबाहिर कसैलाई ननिस्कन समेत गाउँपालिकाकावासीलाई आग्रह गरेको छ ।
