• अर्थ सरोकार सम्बाददाता 

काठमाडौँ । नेपालमा कोरोनाबाट २३औँ व्यक्तिको पनि मृत्यु भएको छ ।  ५ असारमा गुल्मी छत्रकोटमा मृत्यु भएका ६९ वर्षीय पुरुषमा कोरोना संक्रमण पुष्टी भएको स्वास्थ्य मन्त्रालयले जनाएको हो । प्यारालाइसिसकासमेत बिरामी भएका उनी २५ जेठमा उपचार गरेर भारतबाट नेपाल आएका थिए । उनको ५ असारमा होम क्वारेन्टाइनमा नै मृत्यु भएपछि सोही दिन थ्रोट स्वाबको नमूना संकलन गरिएको थियो।

प्रदेश जनस्वास्थ्य कार्यालय रूपन्देहीमा गरिएको नमूना परीक्षणमा ती व्यक्तिमा ६ असारमा कोरोना भाइरस संक्रमणको पुष्टि भएको थियो । नेपालमा मृत्यु हुनेको संख्या २३ पुगेको छ ।