">
- अर्थ सरोकार सम्बददाता
काठमाडौं । विकास बैंकहरुले सरकारलाई कर बुझाउने भएका छन् । संचालनमा रहेका २३ विकास बैंकहरुले सरकारलाई आजै कर बुझाउने भएका हुन् । डेभलपमेन्ट बैंक एशोसिएसनका अध्यक्ष गोविन्द ढकालका अनुसार कोरोना भाइरसका कारण अहिले सरकारलाईसमेत असहज भएकाले कर्पोरेट कर बुझाउने निर्णय गरिएको जानकारी दिए ।
यसो त सरकारले असार ७ गते कर बुझाउन सबै क्षेत्रलाई ताकेता गरेको थियो । उक्त ताकेतालाई कार्यान्वयन नगर्न सर्वोच्चले अन्तरिम आदेश दिएको थियो । तर सर्वोच्चले सो आदेश दिएतापनि सरकारलाई अहिलेको अवस्थामा कोरोना नियन्त्रण गर्न आर्थिक संकट परेकाले समयमै कर बुझाउने निर्णय गरिएको डेभलपमेन्ट बैंक एशोसिएसनले जनाएको छ ।
