• अर्थ सरोकार सम्बाददाता 

काठमाडौं । बिहिबार धादिङमा थप सात जना कोरोनाका बिरामी फेला परेका छन् । आज धादिङको त्रिपुरासुन्दरी गाउँपालिकाको क्वारेन्टिनमा रहेका सात जनामा कोरोना संक्रमण देखिएको गाउँपालिकाका प्रमुख शम्भुकुमार थापाले पुष्टी गरेका हुन् ।

१२ दिनअघि भारतबाट आएका उनीहरु गाउँपालिकाको क्वारेन्टिनमा बसेका थिए । उनीहरूको जेठ २१ र २४ गते स्वाब संकलन गरेर परीक्षण लागि पठाइएको थियो । रिपोर्ट पोजेटिभ आएको  प्रमुख थापाले बताए । संक्रमित व्यक्तिलाई गाउँपालिकाकै स्वास्थ्य चौकीमा बनाइएको आइसोलेसनमा राख्ने तयारी भइरहेको छ ।