- अर्थ सरोकार सम्बाददाता
धनगढी । कैलालीको गौरीगंगा नगरपालिकास्थित एक क्वारेन्टाइनमा बसेका नागरिकहरुले आफुहरुको पीसीआर परीक्षण हुनुपर्ने माग गरेका छन् । उक्त माग गर्दै नागरिकहरुले वडा कार्यालय घेराउ गरेका हुन् । आरडीटी रिपोर्ट पोजेटिभ देखिएका व्यक्तिले आफूहरुको पीसीआर परीक्षण हुनुपर्ने माग गर्दै वडा कार्यालय घेराउ गरेका हुन ।
गौरीगंगा नगरपालिका ६ स्थित अमर माविमा बनाइएको क्वारेन्टाइनमा आरडिटी पोजेटिभ देखिएका एक व्यक्तिले आफूहरुको उपचारमा स्थानीय तहले बेवास्ता गरेको आरोप लगाए । उनले आफूहरुलाई रिपोर्ट पोजेटिभ देखिएको भन्दै गाउँभरी हल्ला फैलाइएकाले तनाव भएको र आन्दोलन गर्न बाध्य भएको बताए ।
वडाअध्यक्ष कमला शर्माले अमर माविको क्वारेन्टाइनमा आरडिटी रिपोर्ट पोजेटिभ देखिएका व्यक्तिले पिसिआर परीक्षणको माग गरिरहेको बताइन्।
