">
- अर्थ सरोकार सम्बाददाता
काठमाडाैं । नेपाल विद्युत् प्राधिकरणले आफ्नो मोबाइल एप्लिकेसन सञ्चालनमा ल्याएको छ । विद्युत सेवालाई छरितो, गुणस्तरीय र आधुनिक बनाउन प्राधिकरणले साे एप सञ्चालनमा ल्याएकाे बताएकाे हाे ।
प्राधिकरणका अनुसार अब ग्राहकले आजदेखि साे एप प्रयोग गरेर सम्बन्धित कार्यालय तथा शाखासमक्ष गुनासो वा समस्या राख्न सक्ने छन् । साे एपमार्फत विद्युत सम्बन्धि समाचार, अनलाइन पेमेन्ट सिस्टम, आवश्यकता, बिल पेमेन्ट इन्क्वायरी, डिसिएस कन्ट्र्याक्ट, सेल्फ मिटर रिडिङ, नो लाइट र कम्प्लेन सेक्सन सम्बन्धि जानकारी लिन सक्नेछन् ।
साथै, प्राधिकरणका अन्य गतिविधि, वार्षिक प्रतिवेदन, सूचना लगायत सामग्री वेबसायटमा जस्तै हेर्न सकिनेछ । अब ग्राहकले साे एप प्रयाेग गर्नकाे लागि प्राधिकरणको वेबसाइट वा गुगल प्लेस्टोरमा गएर एप डाउनलोड गर्न सक्नेछन् । वेबसाइट खोलेपछि फोटो देखिने ठाउँको दाँहिनेतर्फ एनइए एन्ड्रोइड एप क्लिक गरेर आफ्नो मोबाइलमा डाउनलोड गर्न सकिनेछ ।
