">
- अर्थ सरोकार सम्बाददाता
काठमाडौँ । छिमेकी राष्ट्र भारतमा दिनप्रतिदिन कोरोना संक्रमित बढ्दै गइरहेको छ । भारतमा कोरोना संक्रमित संख्या ३ लाख २१ हजार नाघेको छ । भारतको स्वास्थ्य मन्त्रालयले सार्वजनिक गरेको तथ्यांक अनुसार पछिल्लो २४ घण्टामा १२ हजार ३१ संक्रमित फेला परेसंगै संक्रमित संख्या ३ लाख २१ हजार ६ सय २६ पुगेको हो । यसअघि लगातार तीन दिनसम्म ११ हजार बढी संक्रमित भेटिएका छन् ।
यस्तै, कोरोना संक्रमणबाट ज्यान गुमाउने ९ हजार १९९ पुगेका छन् । पछिल्लो २४ घण्टामा ३०९ को ज्यान गएको मन्त्रालयले जनाएको छ । सबैभन्दा बढी प्रभावित महाराष्ट्रमा २४ घण्टामा ३ हजार ४२७ जना संक्रमित थपिएर १ लाख ४ हजार ५६८ पुगेका छकन् । मृतक ११३ थपिएर ३ हजार ८३० पुगेका छन् ।
भारतमा कोरोना बिकराल स्थितिमा पुगेको छ । संक्रमणमा भारत चौथो स्थानमा पुगेको छ । भारतले बेलायतलाई पनि निकै पछि पारेको छ । बेलायतमा २ लाख ९४ हजार ३७५ जना संक्रमित रहेका छन् । त्यहाँ कोरोना शान्त हुँदैछ । २४ घण्टामा १ हजार ४२५ जना संक्रमित थपिएका छन् । त्यस्तै मृतक १८१ थपिएर ४१ हजार ६६२ पुगेका छन् । भारतभन्दा अगाडि अमेरिका, ब्रजिल र रुस रहेका छन् ।
