">
- अर्थ सरोकार सम्बाददाता
काठमाडौं । छिमेकी मुलुक भारतमा दिनप्रतिदिन कोरोनबाट मृत्यु हुनेको संख्या बढ्दै गइरहेको छ । अहिलेसम्म भारतमा कोरोना भाइरसबाट मृत्यु हुनेको संख्या आठ हजार नाघेको छ । भारतको स्वास्थ्य मन्त्रालयका अनुसार पछिल्लो २४ घण्टामा मात्र भारतमा कोरोना संक्रमणबाट ३५७ जनाको मृत्यु भएसंगै ज्यान गुमाउनेको संख्या आठ हजार १०२ पुगेको हो ।
त्यस्तै अहिलेसम्म कोरोना भाइरसबाट संक्रमित हुनेको संख्या पनि भारतमा दुई लाख ८५ हजार ५७९ पुगेको छ । पछिल्लो २४ घण्टामा भारतमा कोरोना भाइरसका नौ हजार ९९६ पुगेको छ । साथै, भारतमा कोरोनामुक्त भएर एक लाख ४१ हजार २९ जना घर फर्किसकेका छन् ।
भारतको सबैभन्दा प्रभावित राज्य महाराष्ट्र रहेको छ । यो क्षेत्रमा अहिलेसम्म कोरोना संक्रमित ९४ हजार ४१ फेला परेका छन् भने तीन हजार ४३८ जनाको कोरोना भाइरसको कारण मृत्यु भइसकेको छ । त्यस्तै तामिलनाडुमा अहिलेसम्म ३६ हजार ८४१ संक्रमित फेला परेका छन् भने ३२६ जनाको मृत्यु भइसकेको छ । दिल्लीमा ३२ हजार ८१० जना संक्रमित भेटिँदा ९८४ जनाको मृत्यु भइसकेको छ । गुजरातमा २१ हजार ५२१ संक्रमित फेला परिसकेका छन् भने एक हजार ३४७ जनाको मृत्यु भइसकेको छ ।
त्यस्तै उत्तर प्रदेशमा अहिलेसम्म ११ हजार ६१० संक्रमित फेला परेका छन् भने ३२१ जनाको मृत्यु भएको छ । पश्चिम बंगालमा नौ हजार ३२८ संक्रमित भेटिएका छन् भने ४३२ जनाको मृत्यु भइसकेको छ । बिहारमा पाँच हजार ७१० संक्रमित फेला परेका छन् भने ३३ जनाको मृत्यु भइसकेको छ ।
