">
- अर्थ सरोकार सम्बाददाता
जलेश्वर । स्रोत नखुलेको १८ लाख नगदसहित प्रहरीले ३ जनालाई पक्राउ गरेको छ । मनराशिष्वा नगरपालिका २ भलुई चौक नजिकबाट शनिबार दिउँसो स्रोत नखुलेको नेपाली रुपैयाँ १८ लाखसहित ३ जनालाई प्रहरीले पक्राउ गरेको हो ।
पक्राउ पर्नेहरुमा जलेश्वर नगरपालिका २ बस्ने १९ वर्षीय रोहित कुमार साह, २२ वर्षीय संजय कुमार साह र २७ वर्षीय जय कुमार साह छन् । १८ लाख रुपैयाँमध्ये रोहितको साथबाट ९ लाख रुपैयाँ, संजयको साथबाट ३ लाख ५० हजार रुपैयाँ र जयकुमारको साथबाट ५ लाख ५० हजार रुपैयाँ प्रहरीले बरामद गरेको हो ।
२ नम्बर प्रदेश प्रहरी कार्यालय जनकपुरधामबाट खटिएको प्रहरीले जलेश्वरबाट सम्सीतर्फ जाँदै गरेको ज.११प ८१०८ नम्बर र प्रदेश २.०३.००३ प ४०९७ नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त नगदसहित फेला पारी पक्राउ गरिएको प्रहरीले जनाएको हो । यस विषयमा थप अनुसन्धान शुरु गरेको जनाएको छ।
