• अर्थ सरोकार सम्बाददाता 

झापा । झापाको अर्जुनधारामा पनि दुई जनामा कोरोना संक्रमण पुष्टी भएको छ । प्रादेशिक जनस्वास्थ्य प्रयोगशालामा आइतबार गरिएको परीक्षणमा दुई जनामा संक्रमण पुष्टि भएको अर्जुनधारा नगरपालिकाको स्वास्थ्य शाखाले जनाएको हो । अर्जुनधारास्थित शनिश्चरे मा.विको क्वारेन्टाइनमा बस्दै आएका दुई जनामा कोरोना संक्रमण पुष्टि भएको हो । 

संक्रमित युवा २३ र २७ वर्षका हुन् । क्वारेन्टाइमा रहेका ५२ जनामध्ये ४४ जनाको स्वाब संकलन गरी कोरोना भाइरस परीक्षणका लागि पठाइएको थियो । क्वारेन्टाइनमा शनिबार ६ जना थपिएर ५८ जना छन् । कोरोना पुष्टि भएपछि उनीहरुलाई थप उपचारका लागि गोठगाउँस्थित आइसोलेसनमा लैजाने तयारी गरिएको छ । 

दिल्लीबाट पाँच दिनअघि पूर्वी नाका काँकरभिट्टाहुँदै उनीहरु आएका थिए ।