- अर्थ सरोकार सम्बाददाता
कालिकोट। कालिकोटमा नेपाल भारत सीमा क्षेत्रबाट उद्धार गरिएकाहरुलाई क्वारेन्टाइनमा राख्न लैजाँदै गरेको अवस्थामा टिपर दुर्घटना भएको छ । भारतबाट आएका मानिस लिएर कालिकोट जिल्लाको लालिघाट भन्ने स्थानबाट रास्कोट जाँदै गरेको ना ८ ख ५१३३ नम्बरको टिप्पर कर्णाली नदीमा खसेको हो । जिल्ला प्रहरी कार्यालय कालिकोटका अनुसार टिप्परमा कतिजना सबार थिए भन्ने खुलिसकेको छैन ।
स्थानीय प्रत्यक्षदर्शीका अनुसार अहिलेसम्म ३ जना को शव भेटिएको छ। अझै अधिकांश बेपत्ता छन् । प्रहरीले यसको स्वतन्त्र पुष्टि गर्न बाँकी छ । दुर्घटनास्थलमा नेपाली सेना र प्रहरीहरुको टोली उद्धारमा खटिएका छन् ।
