• अर्थ सरोकार सम्बाददाता

कपिलवस्तु । कपिलवस्तुमा मंगलबार १७ जना कोरोना संक्रमित थपिएका छन् । मंगलबार थप भएका १७ सहित कपिलवस्तुमा संक्रमितको संख्या ३ सय ३४ पुगेको छ। 

मंगलबार शिवराज नगरपालिकाका मात्र १५ जना संक्रमित थपिएका छन्। जसअनुसार वडा नम्बर ३ का ३ जना, वडा नम्बर ४ का २ जना, वडा नम्बर ५ का ४ जना छन्। यस्तै वडा नम्बर ६, ८ र १० का १/१ जना तथा वडा नम्बर ११ का ३ जना रहेको जिल्ला स्वास्थ्य कार्यालय कपिलवस्तुले जनाएको छ। उनीहरूमध्ये तीन जना महिला छन् भने १२ जना पुरूष छन्।

वाणगंगा नगरपालिका वडा नम्बर ४ का एक पुरूष र महाराजगञ्ज नगरपालिका वडा १० का एक महिलामा कोरोना संक्रमण पुष्टि भएको कपिलवस्तुका कोरोना फोकल पर्सन कुमार थापाले जानकारी दिए । संक्रमित सबै १७ देखि ४२ वर्ष उमेर समूहका छन्।