">
- अर्थ सरोकार सम्बाददाता
काठमाडौं । अहिलेसम्म काठमाडौं उपत्यकाका तीन जिल्लामा ४३ जना कोरोनाका बिरामी फेला परेका छन् । सोमबार काठमाडौंमा ४ र ललितपुरमा १ गरी ५ जना थपिएसँगै उपत्यकामा संक्रमित संख्या ४३ पुगेको हो । काठमाडौं उपत्यकाका संक्रमितको पाटन अस्पताल, बलम्बुस्थित सशस्त्र प्रहरी अस्पताल, टेकु अस्पताल र त्रिवि शिक्षण अस्पतालमा उपचार भइरहेको छ ।
संक्रमितहरू चन्द्रागिरि, कालिमाटी, नक्साल, कलंकी, एयरपोर्ट गेट, मैतीदेवी, बानेश्वर, त्रिपुरेश्वर, टेकु, बागबजार, तारकेश्वर र गोकर्णेश्वरलगायतका ठाउँमा रहेको स्वास्थ्य तथा जनसंख्या मन्त्रालयले जनाएको छ । अहिलेसम्म काठमाडौं उपत्यकाबाट २४ जना संक्रमित निको भएर घर फर्किएका छन् । देशबाट १ हजार बढी निको भएर घर फर्किएका छन् ।
