• अर्थ सरोकार सम्बाददाता 

काठमाडौँ । सरकारले कुबेतबाट १६१ जना नेपालीहरुको उद्दार गरेको छ । सरकारले कोरोना भाइरसक कारण कुबेतका विभिन्न ठाउँमा समस्यामा परेका १६१ जना नेपालीहरुको उद्दार गरेको हो । उनीहरु बिहीबार मध्याहन्न जजिरा एयरको विमानमा त्रिभूवन विमानस्थलमा अवतरण गरेका हुन् ।  उनीहरुलाई कुवेतले नै काठमाडौं ल्याइदिएको हो ।

यस्तै जजिरा एयरको दोस्रो विमान पनि बिहीबार दिउँसो थप नेपालीलाई लिएर नेपाल आउँदैछ । पहिलो उडान मार्फत आएका १६१ जना सबै महिला हुन् । यसरी आउनेमा तीनजना गर्भवती महिला पनि रहेका छन् । अर्को विमानमा थप १५० जना नेपाली आउने छन् । कुबेतबाट आज आउनेमा अधिकांश घरेलु कामदारका रुपमा कुबेत गएका महिलाहरु रहेका छन्।