- अर्थ सरोकार सम्बाददाता
काठमाडौं । लक्ष्मी बैंक लिमिटेडले दोहा बैंकबाट २० मिलियन अमेरिकी डलर अर्थात् २ अर्ब ४४ करोड नेपाली रुपैयाँ ल्याएको छ । बैंकले सो ऋण तीन वर्षका लागि प्राथमिकता प्राप्त क्षेत्रमा लगानी गर्ने उद्देश्यले ल्याएको जनाएको छ ।
आइतबार भएको ऋण सम्झौतामा लक्ष्मी बैंकका प्रमुख कार्यकारी अधिकृत अजय विक्रम शाह तथा दोहा बैंकको नेपालस्थित नेपाल प्रमूख सुरज विक्रम शाहीको उपस्थितिमा हस्ताक्षर भएको हो ।
ऋण लिनका लागि लक्ष्मी बैंकले नेपाल राष्ट्र बैंकबाटसमेत स्वीकृति लिइसकेको बैंकद्धारा जारी विज्ञप्तिमा जनाईएको छ । यो रकमबाट प्राथमिकता प्राप्त क्षेत्रमा ऋण प्रवाह गर्न बैंकलाई थप स्रोत प्राप्त भएको पनि बैंकले जानकारी दिएको छ।
