• अर्थ सरोकार सम्बाददाता 

काठमाडौं । सरकारले लकडाउनको स्वरुप परिवर्तन गर्ने तयारी गरेको छ । विगत ७२ दिनदेखि जारी लकडाउनको स्वरुप परिवर्तन गर्ने तयारीमा सरकार रहेको हो । सरकारले पछिल्लो दिनमा लकडाउनको मोडालिटी परिवर्तन गर्नेगरी छलफललाई तिव्रता दिँदै आएको छ ।

सोही क्रममा बुधबार साँझ प्रधानमन्त्री केपी शर्मा ओलीले कोरोना भाइरसका विषयमा विभिन्न क्षेत्रका विज्ञहरूसँग परामर्श गरिरहेका छन् । कोरोना रोक्न सरकारले अपनाएको लकडाउनको नीति खुकुलो पार्न दबाब परेपछि प्रधानमन्त्री ओलीले यसबारे सरकोकारवालासँग परामर्श गरिरहेका हुन् ।