">
- अर्थ सरोकार सम्बाददाता
काठमाडौं । मैतिदेवी क्षेत्रका व्यापारीहरुले लकडाउनको उल्लङ्घन गर्दै बिहीबार बिहान पसल खोलेका छन् । लामो समयदेखि भएको लकडाउनका कारण व्यापार नै चौपट भएको भन्दै बिहीबार बिहान पनि पसल खोलेका हुन् । यसो त बुधबार पनि व्यापार गर्न पाउने पर्ने भन्दै उनीहरुले नाराबाजीसमेत गरेका थिए ।
व्यापारीहरूले बिहिबार बिहान पसल खोलेपछि प्रहरीले बन्द गराएको थियो । सोक्रममा प्रहरी र ब्यापारीबीच केहीबेर भनाभन भएको बताइएको छ । बिहीबार बिहानै फेन्सी पसलदेखि रेस्टुरेन्टसम्म खोलिएपछि स्वयंसेवकको सहयोगमा प्रहरीले ती सबै पसल बन्द गराएको हो । लकडाउनका कारण व्यापार व्यवसाय ठप्प हुँदा समस्या परेको भन्दै काठमाडौंका व्यवसायीले आजदेखि बिहान ११ बजेसम्म पसल तथा व्यवसाय खुला गर्ने एकतर्फी निर्णय गरेका थिए ।
