• अर्थ सरोकार सम्बाददाता 

काठमाडौं । बालुवाटारमा मन्त्रिपरिषद् बैठक सुरु भएको छ । नयाँ मोडालिटीको लकडाउन र स्वास्थ्य संकटकालबारे निर्णय गरिने बताइएको छ ।

काठमाडौं उपत्यका लगायत देशभर उद्योगी तथा व्यवसायीहरुले सरकारको लकडाउनको आदेश अवज्ञा गर्दै पसलहरु खोल्न थालेपछि सरकार दबावमा परेको छ । यही अवस्थामा नयाँ मोडेलको लकडाउनबारे निर्णय हुने स्रोतले जनाएको छ । 

यस्तै स्वास्थ्य मन्त्रालयले स्वास्थ्य संकटकाल घोषणा गर्न प्रस्ताव मन्त्रिपरिषद्मा पठाएको छ । स्वास्थ्यमन्त्री भानुभक्त ढकालले स्वास्थ्य संकटकाल घोषणाका लागि क्याबिनेटमा प्रस्ताव लगेका हुन् । मन्त्रिपरिषद बैठकले यसबारे पनि निर्णय गर्ने सम्भावना रहेको स्वास्थ्य मन्त्रालय स्रोतले जनाएको छ ।