- अर्थ सरोकार सम्बाददाता
काठमाडौं । देशभरको मौसम सोमबार दिनभर सामान्यदेखि आंशिक बदली हुने तथा केही स्थानमा वर्षा भइरहेको जल तथा मौसम पूर्वानुमान महाशाखाले जनाएको छ । अहिले नेपालमा स्थानीय वायु, पश्चिमी वायु र भारतको पूर्वी उत्तर प्रदेश तथा बिहारमा रहेको निम्न चापीय प्रणालीको प्रभाव रहेको महाशाखाले जनाएको छ। हाल बागमती प्रदेश र गण्डकी प्रदेशका भूभागमा सामान्य बदली रहेको छ। प्रदेश १ र कार्णाली प्रदेशका पहाडी भूभागमा आंशिक बदली भई बाँकी स्थानमा मौसम सामान्यतया सफा रहेको महाशाखाको भनाइ छ।
प्रदेश १, बागमती प्रदेश, गण्डकी प्रदेश र कर्णाली प्रदेशमा सोमबार दिउँसो सामान्य बदली रही बाँकी भूभागमा आंशिक बदली हुने बताइएको छ। प्रदेश १, बागमती प्रदेश, गण्डकी प्रदेश र कर्णाली प्रदेशका थोरै स्थान तथा प्रदेश २, प्रदेश ५ र सुदूरपश्चिम प्रदेशका एकरदुई स्थानमा मेघगर्जन, चट्याङ तथा हावाहुरीसहित वर्षाको सम्भावना रहेको मौसमविद्हरु बताउँछन् । प्रदेश १, बागमती प्रदेश, गण्डकी प्रदेश र कर्णाली प्रदेशमा सोमबार राति पनि सामान्य बदली हुनेछ भने अन्य क्षेत्रमा आंशिक बदली रहने मशाखाले जनाएको छ।
