• अर्थ सरोकार सम्बाददाता 

काठमाडौँ । अख्तियार दुरुपयोग अनुसन्धान आयोगले यातायात व्यवस्था कार्यालय कोशीका चार जना पूर्व प्रमुखसहित १७ जनाविरुद्ध भ्रष्टाचार गरेको दाबीसहित विषेश अदालतमा मुद्धा दर्ता गरेको छ । आयोगले नयराज नेपाल, तिर्थराज लम्साल, गोपाल थपलिया र भुपेन्द्र राईसहित १७ जनाविरुद्ध भ्रष्टाचार गरेको दाबीसहित विषेश अदालतमा मुद्धा दर्ता गरेको हो । 

सेवाग्राहीबाट प्राप्त राजस्व सरकारी खातामा जम्मा नगरी हिनामिना गरेको आरोप उनीहरुमाथि छ । नेपालविरुद्ध एक करोड ८ लाख २९ हजार ६९ रुपैयाँ, लम्सालविरुद्ध तीन करोड ३० लाख ७९ हजार ३ सय ६३ रुपैयाँ, थपलियाविरुद्ध एक करोड ३० लाख ७२ हजार एक सय ५३ रुपैयाँ र राईविरुद्ध ५६ लाख १२ हजार पाँच सय ४७ रुपैयाँ बिगो दाबी गरिएको छ । चार जना कम्प्युटर अपरेटरविरुद्ध जनहीँ पाँच करोड ९४ लाख ९८ हजार ९ सय ३१ रुपैयाँ बिगो माग गरिएको छ । 

यसरी अभियुक्त बनाइएकामा राकेश रोसन मस्राङ्गी मगर, रमेश पौडेल, भूमिराज अधिकारी र हरिमदन ढुंगेल छन् । उनिहरु फोकस वान नेपाल प्रालीमा आबद्ध भएको जनाइएको छ।