• अर्थ सरोकार सम्बाददाता 

काठमाडौं । नेपाल इन्भेष्टमेन्ट बैंकले  एक अर्ब १५ करोड रुपैयाँ फिर्ता पाएको छ । बैंकले उक्त रकम मंगलबार फिर्ता पाएको हो । बाँकी ८५ करोड रुपैयाँ भने बैंकले आज (बुधबार) फिर्ता पाउँदैछ ।

इटालीको अदालतमा परेको तनहुँ हाइड्रोपावर सम्बन्धि मुद्दामा १६ महिनापछि नेपाल इन्भेष्टमेन्ट बैंकको पक्षमा फैसला भएसँगै बैंकले मुद्धा जितेको थियो । इटालीको इन्टेसा सानपाओलो बैंकले नेपाल इन्भेष्टमेन्ट बैंकलाई काउन्टर ग्यारेन्टी दिएकोमा मुद्दा फैसलापछि सोही बैंकले पैसा फिर्ता दिएको हो ।

सिएमसीले हालेको मुद्दामा इटालीको बोलोङ्नास्थित ट्राइब्युनल डे बोलोङ्नामा तीनजना न्यायाधीशको पूर्ण इजलासले गत मंगलबार बैंकको पक्षमा फैसला गरेको थियो ।