• अर्थ सरोकार सम्बाददाता 

काठमाडौँ । नेपाल स्टक एक्सचेन्ज (नेप्से)मा नेपाल पुनर्बीमा कम्पनीको आइपिओ सूचीकृत भएको छ । बुधबार नेप्सेले कम्पनीको १० करोड कित्ता आइपिओ नेप्सेमा सूचीकृत गरेको हो । यसका साथै, नेप्सेले कम्पनीको ओपनिङ रेन्ज पनि निर्धारण गरेको छ । नेप्सेले पुनर्बीमा कम्पनीको पहिलो कारोबारको लागि ओपनिङ रेन्ज प्रतिकित्ता १४१ रुपैयाँ ४५  पैसादेखि ४२४ रुपैयाँ ३५ पैसा निर्धारण गरेको छ ।

कम्पनीले चैत ४ गतेदेखि ७ गतेसम्म प्रतिकित्ता १ सय रुपैयाँ अंकित मूल्यमा १ अर्ब ६० करोड १ करोड ६० लाख कित्ता आईपीओ जारी गरेको थियो । जसमध्ये ७३ हजार ५०० कित्ता सेयर कर्मचारीलाई र ८ लाख कित्ता सेयर सामूहिक लगानी कोषका लागि यसअघि नै बाँडफाँड गरिसकेको छ। बाँकी १ करोड ५१ लाख २६ हजार ५०० कित्ता सर्वसाधरणलाई बिक्री खुला गरिएको थियो। कम्पनीको आईपीओ बाँडफाँड बिक्री प्रबन्धक आरबीबी क्यापिटलको कार्यालयमा गत चैत २६ गते गरिएको थियो।