• अर्थ सरोकार सम्बाददाता 

काठमाडौँ । ओमानबाट १६६ जना नेपाली ल्याएको विमान केहिबेरमा काठमाडौँमा अवतरण गर्ने भएको छ । ओमानको सलाम एयरमार्फत उनीहरु दिउँसो १ बजेर ४० मिनेटमा त्रिभुवन विमानस्थलमा अवतरण हुँदैछन्।

उक्त विमानमा एक जना नेपाली कामदारको शव पनि छ। सर्लाहीको हरिपुर्वाका नरेन्द्र भिक्टा धोवीको शव ल्याइएको हो । सन् २०१७ मार्च २९मा उनी एक्साभेटर अप्रेटरका रुपमा ओमान गएका थिए । उनको गत वैशाख १६ गते निधन भएको थियो ।