- अर्थ सरोकार सम्बाददाता
सर्लाही । शुक्रबार प्रदेश २ मा मात्रै थप २०४ जनामा कोरोना संक्रमण पुष्टी भएको छ । सामाजिक विकास मन्त्रालयले पछिल्लो चौबीस घण्टामा २०४ जनामा कोरोना पुष्टी भएको जनाएको हो । योसँगै प्रदेश २ मा कोरोना संक्रमितको संख्या एक हजार ८०६ पुगेको छ ।
शुक्रबार रौतहटमा ८६, सर्लाहीमा ५७ सप्तरीमा १८, सिरहामा ११, धनुषामा १५, महोत्तरीमा १६ र बारामा एकजना थपिएका हुन् । प्रदेश २ का कुल संक्रमित एक हजार ८०६ जनामध्ये ४२० जना निको भएर घर फर्किएको सामाजिक विकास मन्त्रालयले जनाएको छ ।
