• अर्थ सरोकार सम्बाददाता 

बुटवल । पाल्पामा थप ३१ जनामा कोरोना संक्रमण पुष्टी भएको छ । प्रदेश जनस्वास्थ्य प्रयोगशाला भैरहवामा गरिएको परीक्षणमा उनीहरुमा कोरोना संक्रमण पुष्टी भएको हो ।

प्रदेश जनस्वास्थ्य प्रयोगशाला भैरहवामा भएको पीसीआर परीक्षणमा तानसेन नगरपालिकाको बतासेस्थित साइन्स क्याम्पसको क्वारेन्टिनमा बस्दै आएका ४१, ३२ र ३२ वर्षका तीनजना पुरुषसहित ३१ जनामा कोरोना पुष्टि भएको हो ।

प्राप्त भएको जानकारी अनुसार तानसेन नगरपालिकामा पहिलोपटक कोरोना संक्रमित फेला परेको हो । यस्तै, पूर्वखोला गाउँपालिका–१ हेक्लाङस्थित जनमार्ग माध्यमिक विद्यालय र मदन-आश्रित आधारभूत विद्यालयको क्वारेन्टिनमा बसेका २१ जना, रम्भा गाउँपालिकाका ६ जना र तिनाउ गाउँपालिकामा २० वर्षीय एकजना पुरुषमा कोरोना संक्रमण भएको हो । योसँगै पाल्पामा कोरोना संक्रमितको संख्या ३७२ पुगेको छ।