- अर्थ सरोकार सम्बाददाता
काठमाडौँ । सरकारले बिहिबारदेखि व्यापार व्यवसाय खोल्न दिने निर्णय गरेरसंगै काठमाडौँका सबैजसो पसल खुल्न थालेका छन् । आजदेखि न्युरोड, नयाँ बानेश्वर, मैतीदेबी, चाबहिल, बौद्ध, तिनकुने, सामाखुसीलगायतका विभिन्न स्थानका सबै पसल खुलेका छन् । यस्तै अन्य मानिसहरु पनि समाजिक दुरी काय गर्दै, मास्क तथा पन्जा लगाई मानिसहरु बाहिर निस्किएको देखिन्छ ।
केहि दिनअघि व्यापारीहरुले पसल खोल्न पाउने पर्ने भन्दै लकडाउनको विरोध गरेका थिए । उक्त प्रस्ताव हिजो बसेको मन्त्रिपरिषद बैठकमा गएसंगै उक्त बैठकले व्यापार व्यवसाय खोल्न दिने निर्णय थियो । सोहि अनुसार अधिकाशं ठाउँका व्यापार व्यवसाय संचालनमा आएका छन् । तर सो पसलमा ग्राहकको उपस्थिति भने खासै देखिएको छैन । पसल खोलेता पनि व्यापार नभएको व्यापारीहरु बताउँछन् ।
