• अर्थ सरोकार सम्बाददाता 

काठमाडौँ । गृह मन्त्रालयले आजदेखि काठमाडौं उपत्यकासहित अन्य जिल्लाभित्रका लागि जुनसुकै निकायबाट जारी गरिएको सबै सवारी पास रद्ध गरेको छ । काठमाडौँ उपत्यकाबाट बाहिर वा अन्य जिल्लाबाट काठमाडौँ आउनको लागि जारी गरिएका अन्तर जिल्ला जाने पासहरु (छोटो अवधिका) भने यथावत रहने गृह मन्त्रालयले जनाएको हो ।

मंगलबारदेखि मोटरसाइकललगायत दुई पांग्रे सवारीमा पनि जोर विजोर प्रणाली लागु गरिएको छ । मोटरसाइकलमा एक जना मात्रै सवार हुन पाइने गृह मन्त्रालयले जनाएको छ । जोर दिनमा अन्तिमको अंक जोर र विजोर दिनमा अन्तिमको अंक बिजोर नम्बर भएका सवारी साधनहरु चल्न पाउने छन् ।