- अर्थ सरोकार सम्बाददाता
कैलाली । सुदूरपश्चिम प्रदेश एकैदिन ६४ जना कोरोना संक्रमित थपिएका छन् । सामाजिक विकास मन्त्रालयका अनुसार सुदूरपश्चिम प्रदेशमा ६४ जना कोरोना संक्रमित थपिएसंगै सक्रिय संक्रमितको संख्या २ सय २४ पुगेको हो ।
शनिबार सेती प्रादेशिक अस्पतालको कोभिड–१९ प्रयोगशालामा गरिएको परीक्षणबाट थप ६४ जनामा कोरोनाभाइरसको संक्रमण पुष्टि भएको हो । यसअघि नै २६ जना संक्रमित निको भइ घर गइसकेका छन भने २ जना संक्रमितको मृत्यु भइसकेको छ ।
पुष्टिभएका मध्ये बझाङ्गको ८ बर्षिय बालकसहित ४ जना, खप्तडको १ जना, डडेल्धुराको २४ जना, डोटीको ३ जना, कैलालीको ५ जना, धनगढीको ४ जना, लम्कीको २ जना र कञ्चनपुरको १७ जना रहेको छ ।
प्रदेशमा हाल सम्म हाल सम्म १०५६४ जनाको स्वाब नमुना संकलन गरिएको र ८६७८ जनाको जाँच गरिएको मध्ये ८४२६ मा नगेटिभ रिपोट आएको सामाजिक बिकास मन्त्रालयले जानकारी दिए । १८३६ जनाको रिपोट आउन बाँकी छ भने पोजिटिभ संक्रमितको विभिन्न अस्पतालमा उपचार भइरहेको छ ।
