">
- अर्थ सरोकार सम्बाददाता
काठमाडौँ । नेपालमा हालसम्म ३३ जना प्रहरीमा कोरोना संक्रमण पुष्टी भएको छ । प्रहरी प्रधान कार्यालयका अनुसार कपिलवस्तुमा २ जना, बारामा ७, धनकुटामा २, बाँकेमा १, धनुषामा ९, सप्तरीमा २ र सिरहामा २ जनामा कोरोना संक्रमण देखिएको हो । साथै सर्लाहीमा १ जना, जुम्लामा २, जाजरकोटमा १ र काठमाडौं उपत्यकामा ४ जना प्रहरीलाई कोरोना संक्रमण पुष्टी भएको हो ।
संक्रमित ३३ मध्ये १४ जना भने संक्रमणमुक्त भइसकेका छन् भने अन्यको विभिन्न अस्पतालका आइसोलेसनमा उपचार भइरहेको छ । प्रधान कार्यालयले स्वास्थ्य सतर्कता अपनाएर प्रहरी परिचालन भएको जनाएको छ । देशभरका सबै युनिटमा क्वारेन्टिनमा निर्माण गरिएको छ।
