• अर्थ सरोकार सम्बाददाता 

पर्सा । मंगलबार पर्सामा थप २ जनामा कोरोना संक्रमण पुष्टी भएको छ । कोरोना पुष्टी हुनेमा वीरगञ्ज महानगरपालिका-४ का २३ वर्ष र वीरगञ्ज-३ का ३१ बर्षका पुरुष रहेका छन् । उनीहरुमा नारायणी अस्पतालको प्रयोगशालामा गरिएको परीक्षणका रिपोर्ट पोजेटिभ आएको अस्पतालका मेडिकल सुपरिटेन्डेन्ट डा. मदन उपाध्यायले बताए । 

योसँगै वीरगञ्जमा संक्रमितको संख्या १ सय ५५ पुगेको छ । आज पुष्टी भएको संक्रमितहरु भारतबाट आएर होटेलको क्वारेनटाइनमा बसेका थिए । यसअघि पर्सामा ९ जना स्वास्थ्यकर्मी, ५ जना भारतीय, २ जना पत्रकारसहित १ सय ५३ जनामा संक्रमण देखिएको थियो । यस्तै मंगलबार ३ जना संक्रमित निको भएर घर फर्किएका छन् ।