![रौतहट](https://1.bp.blogspot.com/-SIoT_WjOcxA/XtXZaAJiryI/AAAAAAABhRM/v9lKnhXCRZkzlQwhdYFx5axuq4zIoWYywCLcBGAsYHQ/s1600/Rautahad.jpg)
- अर्थ सरोकार सम्बाददाता
वीरगञ्ज । रौतहटमा हालसम्म १ सय २ जना कोरोना सक्रमित व्यक्ति निको भए घर फर्किएका छन् । जिल्लाका विभिन्न अस्पतालको आइसोलेशन कक्षमा उपचार गराई रहेका थप ८१ जना संक्रमण मुक्त भएर बुधबार साँझ घर फर्किएका हुन् ।
निको भएर घर फर्किनेमा गौर नर्सिङ क्याम्पसको आइसोलेशनमा भर्ना भएका १६ जना र गरुडा नगरपालिका स्थित प्रहरी स्कूलको आइसोलेशनका ६५ जना रहेको जिल्ला अस्पताल गौरका मेडिकल सुपरिटेन्डेन्ट डा. कृष्ण साहले जानकारी दिए । यस्तै देशभर निको हुनेको संख्या ६ सय ७४ रहेको छ । अहिलेसम्म नेपालमा संक्रमितको संख्या भने ४ हजार ३ सय ६४ पुगेको छ भने १५ जनाले ज्यान गुमाईसकेका छन् ।