• अर्थ सरोकार सम्बाददाता 

रौतहट । रौतहटमा क्वारेन्टाइन बाहिर रहेका तीन जनामा कोरोनाको संक्रमण देखिएको छ । बिहीबार थपिएका ३८ संक्रमितमध्ये तीन जना क्वारेन्टिन बाहिरका हुन् । गौर नगरपालिका वडा नं.५ का दुई पुरुष र इशनाथ नगरपालिका ३ का एक पुरुषमा कोरोना संक्रमण पुष्टि भएको हो ।

संक्रमण पुष्टि भए पछि उनीहरुलाई आइसोलेसनमा राखिएको छ भने कन्ट्याक ट्रेसिङ सुरु भएको छ । प्रमुख जिल्ला अधिकारी वासुदेव घिमिरेकाअनुसार १७ वर्षीय युवकको परिवारका सदस्यहरको स्वाब संकलन भइसकेको छ भने अन्य दुईको पनि संकलन गरिनेछ ।