• अर्थ सरोकार सम्बाददाता 

काठमाडौँ ।  रोल्पामा पहिलो पटक कोरोना संक्रमित फैला परेको छ। कोरोना भाईरसको संक्रमण नदेखिएको रोल्पाको सुनिलस्मृती गाउँपालिकाको गजुलमा आज तीन जनामा संक्रमण पुष्टी भएको हो ।  यससंगै प्रदेश ५ का सबै जिल्लामा कोरोनाको संक्रमण फैलिएको छ । प्रदेश ५ का ११ जिल्लामा कोरोना संक्रमण फैलिएकोमा रोल्पा मात्रै अछुतो रहदै आएको थियो ।

कोरोना संक्रमण पुष्टी हुनेहरुमा सुनिल स्मृती गाँउपालिका ५ का २० र २७ बर्षीय दुई युवा र वडा नं. ६ का २० बर्षीय एक युवा रहेको स्वास्थ्य कार्यालय रोल्पाका जनस्वास्थ्य अधिकृत अनिल केसीले जानकारी दिए । संक्रमित तीनैजना युवाहरु गत जेठ १२ भारतबाट आएका थिए । उनीहरुलाई अलग अलग क्वारिनटाईनमा राखिएको थियो । वडा नं. ५ को सूर्योदय आधार विद्यालयको क्वारेनटाईनमा रहेका दुईजना र वडा नं. ६ को जनज्योती मावि क्वारेनटाईनमा रहेका एकजनाको कोरोमा पुष्टि भएको हो । क्वारिनटाईन बसेका उनीहरुको एक साता अघि स्वाब संकलनका गरि भेरी अंचल अस्पताल नेपालगंज पठाएको थियो । 

स्वास्थ्य कार्यालय रोल्पाका कोरोना फोकल पर्सन अरुण भिटुका अनुसार जिल्लामा हाल दुई हजार १२६ जना क्वारेनटाईनमा रहेका छन् । जसमध्ये एक हजार ४७६ जना भारतबाट फर्किएका हुन् ।