• अर्थ सरोकार सम्बाददाता 

काठमाडौँ । कोरोनाका कारण ओमानमा अलपत्र परेका १६६ नेपाली काठमाडौं आइपुगेका छन् । उनीहरु सलाम एयरको चार्टर विमानमार्फत दिउँसो काठमाडौंमा अवतरण गरेका हुन् ।

उक्त विमानमा एक जना नेपाली कामदारको शव पनि छ । सर्लाहीको हरिपुर्वाका नरेन्द्र भिक्टा धोवीको शव ल्याइएको हो । सन् २०१७ मार्च २९मा उनी एक्साभेटर अप्रेटरका रुपमा ओमान गएका थिए । उनको गत वैशाख १६ गते निधन भएको थियो ।

ओमानबाट सलाम एयरमार्फत आएका उनीहरुले ११५ ओमानी रियाल अर्थात् ३६ हजार नेपाली रुपैयाँ तिरेका छन् । उनीहरु सरकारले तोकेकोभन्दा सस्तो भाडादरमा स्वदेश फर्किएका हुन्। ओमानबाट फर्किएकाहरुसँग कोरोना परीक्षणको पिसिआर रिपोर्ट नेगेटिभ भएकाले उनीहरु होम क्वारेन्टाइनमै जान पाउने बताइएको छ। 

ओमानबाट अर्को उडान असार ४ गते हुने दूतावासले जनाएको छ।