• अर्थ सरोकार सम्बाददाता 

काठमाडौँ । सुनचाँदी चोर्ने ३ जनालाई प्रहरीले पक्राउ गरेको छ । काठमाडौंको सरकारीधारास्थित नोर सुनचाँदी पसलबाट करिब २ लाख २३ हजार ७ सय २० रुपैयाँ बराबरको गरगहना चोरी गर्ने ३ जनालाई प्रहरीले पक्राउ गरेको हो । पक्राउ पर्नेहरुमा काठमाडौं गोंगबु बस्ने कास्की पोखरा महानगरपालिका १० अमरसिंङ चोक ठेगाना भएका मिलन तामाङ, काठमाडौं ठमेल बस्नेहरु नुवकोट तार्केश्वर गाउँपालिका ४ ठेगाना भएका ३१ वर्षीय प्रेम तामाङ र भारत मोतिहारीका २५ वर्षीय ऋषिमुनि कुमार रहेका छन् ।

लकडाउनको मौका छोपी रातको समयमा हुने चोरीको घटनाहरुको अनुसन्धानका लागि महानगरीय अपराध महाशाखा टेकुबाट खटिएको प्रहरीले उक्त पसलमा गत बैशाख ६ गते रातिको समयमा चोरी भएको घटनामा संलग्न उनीहरुलाई चोरी गरी लगेका विभिन्न धनमाल सहित पक्राउ गरेको हो ।