• अर्थ सरोकार सम्बाददाता 

सर्लाही । अख्तियार दुरुपयोग अनुसन्धान आयोगको टोलीले सर्लाहीको हरिपुर नगर कार्यपालिकाको कार्यालयका लेखा अधिकृत र लेखापाल घुस रकमसहित पक्राउ गरेको छ । आयोगले लेखा अधिकृत भुपेन्द्र कुमार सिंह र लेखापाल रन्जित कुमार राय यादवलाई पक्राउ गरेको हो । उनीहरुलाई चार हजार रुपैयाँसहित आयोगले पक्राउ गरेको हो ।

विज्ञान प्रकाशन बापतको भुक्तानी दिने क्रममा सेवाग्राहीसँग घुस माग गरिरहेको सूचना एवम् उजुरीका आधारमा अख्तियार टोलि त्यहाँ पुगेको थियो । सिंह र यादवके सेवाग्राहीसँग घुस लिइसकेको अवस्थामा उनीहरुलाई कार्यालय भवनभित्रैबाट पक्राउ गरिएको र अनुसन्धान गरिरहेको अख्तियारका प्रवक्ता प्रदीप कुमार कोइरालाले बताए ।