- अर्थ सरोकार सम्बाददाता
काठमाडौं । सरकारले आज साउदीमा अलपत्र परेका १५४ जना नेपालीहरुको उद्दार गरेको छ । नेपाल एयरलायन्सको चार्टर जहाजमार्फत् साउदीको दमामबाट १५४ जना नेपाली बुधबार स्वदेश आइपुगेका छन् ।
बुधबारै अन्य पाँच देशबाट नेपालीहरू नेपाल आउँदैछन् । आज कुवेतबाट १५५ जना आउने सम्भावना रहेको नेपाल नागरिक उड्डयन प्राधिकरणका प्रवक्ता राजकुमार क्षेत्रीले बताए । कुवेतबाट उनीहरू हिमालयन एयरलान्सको चार्टर फ्लाइटबाट स्वदेश फर्कन लागेका हुन् ।
यस्तै हिमालयन एयर मार्फत् नै अबुदावीबाट १४९ जना स्वदेश फर्कंदैछन् । साउदी अरबकै जेद्दाबाट २५५ जना आउँदै छन् भने टर्किस एयरलायन्समार्फत् २८२ जना नेपाली इस्तानबुलबाट स्वदेश फर्कंदैछन् । पछिल्लो समय नेपाल सकारले विभिन्न मुलुकबाट नेपालीहरुको उद्दार गरिरहेको छ ।
