- अर्थ सरोकार सम्बाददाता
काठमाडौँ । शिक्षा, विज्ञान तथा प्रविधि मन्त्रालयले निजि विद्यालयहरुलाई विद्यालय बन्द रहेको बेला अर्थात् लकडाउनका बेलाको शुल्क नलिन आग्रह गरेको छ । गत आइतबार प्याब्सन र नेशनल प्याब्सनले संयुक्त रूपमा लकडाउनका बेलाको पनि शुल्क बुझाउन भन्दै सूचना जारी गरेपछी मन्त्रालयले यस्तो आग्रह गरेको हो ।
मन्त्रालयका प्रवक्ता दीपक शर्माले एक विज्ञप्ति निकाल्दै प्याब्सन र नेशनल प्याब्सनको अपिलमाथि शिक्षा मन्त्रालयको गम्भीर ध्यानाकर्षण भएको उल्लेख गरेका छन् । गत चैत ११ गतेदेखि लकडाउन भएता पनि चैत्र ६ गतेबाट विद्यालयहरू बन्द छन् । मन्त्रालयले अहिले स्कुल, कलेज, ट्युसन सेन्टरलगायत खोल्ने कुनै निर्णय नभएको बताएको छ ।
यता निजि विद्यालयहरुले भने लकडाउनको अवधिमा पनि वैकल्पिक व्यवस्थामार्फत् पठनपाठन गरिएको दाबी गर्दै शुल्क तिरिदिन अपिल गरेका थिए ।
हेर्नुहोस् मन्त्रालयले जारी गरेको विज्ञप्ती :
