• अर्थ सरोकार सम्बाददाता 

काठमाडौँ । नेपाल स्टक एक्सचेन्ज नेप्से सेयर बजारको अपरेटर हो । तर जो अगुवा, उही बाटो केजाति भनेजस्तो नेप्सेकै नेतृत्वमा नेपालको सेयर बजारलाई बन्धक बनाइएको छ । प्रचलित नियमविपरित सेयर बजार अनिश्चितकालका लागि बन्द गरेर नेप्सेले यस्तो तमासा देखाएको हो ।

नेप्सेले धितोपत्र सूचिकरण तथा कारोबार नियमावली २०७५ को नियम २१ को उपनियम १ मा ‘कारोबार प्रणालीको संचालन निश्चित समयका लागि स्थगन गर्न सक्नेछ ‘ उल्लेख छ । अर्थात सेयर बजार निश्चित समय तोकेरमात्र स्थगन गर्न पाइन्छ । तर प्रचलित नियमको धज्जी उडाएर नेप्सेले गलत निर्णय गरेको छ । यता सेयर बजार बन्द गर्न नहुने भन्दै सर्वोच्चमा रिट परेको छ र अदालतले सबै पक्षलाई छलफलमा बोलाएको छ ।

तर नेप्सेले भने बजार घट्छ र अपजश पाइन्छ भनेर बजार नै बन्द गरिदिने सजिलो तर गलत निर्णय गरेको छ ।