- अर्थ सरोकार सम्बाददाता
काठमाडौं । सरकारले आज (मंगलबार) श्रीलंका र मालदिभ्समा अलपत्र परेका नेपाली नागरिकहरुलाई उद्दार गर्ने भएको छ । सरकारले श्रीलंका र मालदिभ्समा अलपत्र परेका १५४ जना नेपाली नागरिकलाई उद्दार गर्न लागेको हो ।
उनीहरु आज हिमालय एयरलाइन्सको फ्लाइट नम्बर एचएन ६७३२ नम्बरको फ्लाइटमार्फ़त त्रिभुवन अन्तर्राष्ट्रिय विमानस्थल, काठमाडौंमा अवतरण गर्दैछन् । उनीहरु उत्रिएपछि काठमाडौं अवतरण गरेपछि उपत्यकाका विभिन्न ठाउँमा रहेका होल्डिङ सेन्टरमा प्रदेशगत रुपमा राखिने कोभिड–१९ क्राइसिस म्यानेजमेन्ट सेन्टर (सीसीएमसी) जनाएको छ । सेन्टरमा विस्तृत विवरण संकलन गरेर प्रदेशको क्वारेन्टिनमा पठाइनेछ ।
क्वारेन्टिनमा १४ दिन बसाएर उनीहरुलाई घर पठाइनेछ । पीसीआर नेगेटिभ भएका व्यक्तिको हकमा भने होम क्वारेन्टिनमा पठाउने गरी व्यवस्था मिलाइएको छ । पछिल्लो समय सरकारले विभिन्न देशबात नेपालीहरुको उद्दार गरिरहेको छ ।
