">
- अर्थ सरकोर सुदूरपश्चिम ब्युरो
धनगढी । बैतडीका कोरोना संक्रमित युवाहरु संक्रमण पुष्टी भएकै दोस्रो दिन सिँचाइ योजनाको काममा व्यस्थ देखिएका छन् । जिल्लाको शिवनाथ गाउँपालिका वडा नम्वर ४ का २ जना पुरुष असार १ गते कोरोना पुष्टि भएसँगै सिँचाई योजनाको काममा गएका हुन् ।
कोरोना पुष्टि भएका २ जना पुरुष उक्त योजनाको काम गर्न गएको शिवनाथ गाउँपालिका वडा नम्वर ४ का अध्यक्ष लक्ष्मण महताले बताएका छन् । बैतडीका २२ जना कोरोना निको नहुँदै घर गएकोमा शिवनाथ गाउपालिकामा मात्रै २१ जना रहेका छन् ।
४ जना सेती प्रादेशिक अस्पतालले कोरोनाको कुनै लक्षण नभएको भन्दै डिस्चार्ज गरेको थियो भने १७ जना असार १ गते पुष्टि भएका थिए ।
