- अर्थ सरोकार सम्बाददाता
डोटी । सुदूरपश्चिम प्रदेशका विभिन्न क्षेत्रबाट २६ जना संक्रमितलाई ‘डिस्चार्ज’ गरिएको छ । कोरोनाको लक्षण नदेखिएको भन्दै संक्रमितलाई डिस्चार्ज गरिएको हो ।
सरकारले जारी गरेको नयाँ निर्देशिका अनुसार १४ दिन आइसोलेसनमा बसेका, कुनै लक्षण नदेखिएका तथा स्वास्थ्य समस्या नभएका २६ संक्रमितलाई डिस्चार्ज गरिएको हो ।
डिस्चार्ज हुनेमा सेती प्रादेशिक अस्पतालबाट १५ जना रहेका छन् । यस्तै महाकाली अस्पतालबाट चार जना, डोटी जिल्ला अस्पतालबाट दुई जना, डोटीको पूर्वीचौकी गाउँपालिकाबाट तीन जना र अछाम जिल्ला अस्पतालबाट दुईजना संक्रमितलाई पनि आइतबारै डिस्चार्ज गरिएको छ ।
