- अर्थ सरोकार सम्बाददाता
धनगढी । सुदूरपश्चिममा थप १७ जनामा कोरोना संक्रमण पुष्टी भएको छ । कैलालीको धनगढीस्थित सेती प्रादेशिक अस्पतालका अनुसार मंगलबार कैलालीमा १० र कञ्चनपुरमा ७ जनामा संक्रमण पुष्टि भएको हो ।
नयाँ संक्रमित हुनेमा कैलालीको धनगढीका सात पुरुष तथा एक महिला, लम्की चुहाका दुई महिला छन् । यससँगै सुदूरपश्चिममा कूल संक्रमितको संख्या तीन सय ३६ पुगेको छ। अस्पतालका अनुसार पछिल्लो २४ घन्टामा ८९ जनाको कोरोना परीक्षण गरिएको छ।
