• सुदर्शन श्रेष्ठ/अर्थसरोकार सुदूरपश्चिम ब्युरो 

धनगढी । सरकारको काम र गतिविधिका विषयमा जनताले गर्दै आएको  विरोध वास्तवमा विरोध नभएर सरकारप्रतिको फरक खालको माया भएको सुदूरपश्चिम प्रदेश सभा सदस्य तथा नेपाल कम्युनिष्ट पार्टी नेकपाका प्रमुख सचेतक तारा लामा तामाङ्गले बताउनुभयो । कोरोना माहामारीका बीच सरकारको चर्को आलोचना भईरहेका बेला उहाँले यसो भन्नुभएको हो । 

कोरोना रोकथाम तथा नियन्त्रणमा गर्नुपर्ने विशेष तयारीमा सरकार केही हदसम्म चुकेको स्विकार गर्दै तामाङ्गले पुर्णतया सरकार असफल भने नबनेको बताउनुभयो ।”काम गर्दा केही गल्ती र कमिकमजोरी अवस्य हुन्छ, सरकारले गरेको सय राम्रा कामलाई बिर्सिने अनि एउटा सानो कुरालाई लिएर हंगामा मच्चाउने मुर्खता हो”, तामाङ्ले भन्नुभयो । 

“बर्तमान सरकार पुर्ण रुपमा सफल भएको छ । फुल रोप्न बित्तिकै फुल्दैन” तामाङ्गले भन्नुभयो, “कोरोना नियन्त्रण तथा रोकथामका लागि हामी लागी परेका छौँ । सबै स्थानिय पालिकाहरुले पनि साथ दिनुभएको छ र यति गर्दा गर्दैपनि विरोध हुन्छ भने धर्मै निभाएको मानौला । कोरोना महामारी सबैको साझा हो यसलाई सत्तापक्ष र प्रतिपक्षबीचको विरोध र विवादमा तुलना गर्नु अमानविय सावित हुन्छ । कोरोना रोकथामका लागि हामी सबै एकजुट भएर लाग्नुपर्छ।”