">
- अर्थ सरोकार सम्बाददाता
काठमाडौं । आज (सोमबार) पनि देशभर ठुलो संख्यामा कोरोना संक्रमित व्यक्ति फेला परेका छन् । सोमबार विभिन्न प्रदेशका विभिन्न जिल्लामा कोरोना संक्रमित भेटिएका छन् । आज चितवन, बाँके, बर्दिया, रौतहट, दैलेख, सल्यान, सुर्खेत, रोल्पा, अर्घाखाँची, झापा, बारा, पर्सालगायतका जिल्लामा संक्रमित थपिएका छन् । यद्यपि आज थपिएकाबारे स्वास्थ्य तथा जनसंख्या मन्त्रालयले पुष्टी गरेको छैन । मन्त्रालयले केही समयपछि वृद्धि भएको संक्रमित संख्याबारे जानकारी दिने तयारी गरेको छ ।
यस्तै आज अस्पतालबाट डिस्चार्ज भएको बारे पनि मन्त्रालयले जानकरी दिनेछ । आइतबारसम्म नेपालमा कोरोना संक्रमितको संख्या ३४४८ रहेको छ भने निको हुनेको संख्या ४६७ पुगेको छ । १३ जनाको भने कोरोनाबाट ज्यान गइसकेको छ ।
